يازيـن بلّـغ تحيـاتـي ورد الـسـلام
على سماحة قبالٍ ماآجـده غيـر فيـك
مادام حالك تمـام الحـال عنـدي تمـام
احس نفسي ملك سلطـان باشـا وبيـك
تملـك منـي قمـة التقديـر والاحتـرام
وانا طموحي رضاك الله يرضـى عليـك
الناس بالكوكب الارضي تسـوي زحـام
الاّ انت وحدك بعرش القلب مالك شريـك
ليت الليالي تعجـل فـي بلـوغ المـرام
ويسير فينّا القدر حتـى تجينـي واجيـك
واذا اجتمعنـا بجـو الحـب والانسجـام
كفي بكفك خلاص الوقـت يربـط بريـك
ابي اتعوض بعمرٍ عشت نصفـه ظـلام
واروي عطش كفي الضامي مصافح يديك
مليّت اورّد لك ركابـي وتصـدر حيـام
وان قلت لك كيف تبخل قلت لي بس هيك
ليتك تجامـل وتجبـر خاطـري بالكـلام
ان كان ممكن قبول العذر لو هو ركيـك
اما انت تدفـع مواثيـق الغـلا للامـام
والاّ صرفت المحبه والغلا صرف شيـك
انـا ترانـي عنيـد ولااقبـل الانهـزام
وان بعت حبك تراني مستحيـل اشتريـك
من بعدها مااعطـي الايـام اي اهتمـام
ان كان عمري طويل او كان موتي وشيك
3/6/2008, 9:41 pm